· رسول اللہ· ﷺ جب پھیلا چکے اسلام دنیا میں

 

﷽   

·    ﷺ جب پھیلا چکے اسلام دنیا میں رسول اللہ

·    ہراک جانب چمک اٹھا خدا کا نام دنیا میں

·    تو پھر اللہ نے اپنے نبی کو یاد فرمایا

·    پیام وصل دے کر آپ کا دل شاد فرمایا

·    ارادہ آخری حج کا کیا سن دس میں حضرت نے

·    وہیں پر آخری خطبہ دیا فخر رسالت نے

·     کہ میں اب جلد ہی اپنے خدا کے پاس جاتا ہوں

·    تمھارے واسطے قرآن و سنت چھوڑ جاتا ہوں

·    عمل کرتے رہے تم سب اگر حکم پیمبر پر

·    تو مجھ سے آ ملوگے آخرت میں حوض کوثر پر

·    نہ ہرگز بھولنا آپس میں تم سب بھائ بھائ ہو

·    کرو وہ کام جس میں دین و دنیا کی بھلائ ہو

·    تمھاری عورتوں کے حق میں گر کوئ کمی آئ

·    تمھارے دین و مذہب کی جہاں میں ہوگی رسوائ

·    کہیں ایسا نہ ہو شیطان کا کچھ زور چل جاۓ

·    قدم اسلام سے پھر کفر کی جانب پھسل جاۓ

·    مدینہ واپسی کے بعد حضرت کو بخار آیا

·    بخار ایسا کہ تھوڑے ہی دنوں میں بار بار آیا

·    حرارت بڑھ گئ جب حد سے زیادہ جسم اطہر پر

·    تو پانی کے دۓ چھینٹے نبی کے روۓ انور پر

·    نماز اب حضرت صدیق اکبر ہی پڑھاتے تھے

·    جناب حضرت قونین مسجد میں نہ آتے تھے

·    بالآخر ہوا رخصت جہاں کی آنکھ کا تارا

·    وہ بعد ظہر دو شنبہ کے دن اللہ کو پیارا

·    مدینہ کی در و دیوار پر حسرت برستی تھی

·    ادھر یاد نبی سے مضطرب مکہ کی بستی تھی

·    پریشاں پھر رہے تھے لوگ دل پر چوٹ طاری تھی

·    گھروں میں شور تھا ہر طرف آہ و گریہ جاری تھی

·    ترسٹھ سال دنیا میں شعاع دین پھیلا کر

·    وہ حق کا لاڈلہ اپنے خدا سے مل گیا جاکر

·    رسول اللہ ﷺ جب پھیلا چکے اسلام دنیا میں

·    ہر اک جانب چمک اٹھا خدا کا نام دنیا میں 

 

 

 ‎‎‎